Congresos Enciga

Lugar de celebración IES As Barxas, de Moaña Datas 20, 21 e 22 de novembro de 2014 Comité organizador do XXIV Congreso de ENCIGA: Coordinadoras:  Carlos Chapela Otero Paloma Pérez Fernández Correo web para o Congreso: congreso27@enciga.org Data límite para a inscrición: 14 de novembro

Carta de presentación

Queridos compañeiros e compañeiras:

Seguindo a estela iniciada en anos anteriores, ENCIGA vai celebrar o XXVII congreso. Facendo nosa a frase de Marie Curie, “na vida non hai cousas que temer, so hai cousas que comprender”, asumimos sen medo a organización deste vindeiro congreso, sen esquecer o traballo e a dificultade que supón este reto e comprender o labor feito por outros compañeiros e compañeiras en congresos anteriores.

Esta nova edición terá lugar os días 20, 21 e 22 de novembro de 2014 e desenvolverase no noso centro, o IES As Barxas de Moaña.
Lembrando a Einstein cando decía que “a vida é moi perigosa; non polas persoas que fan mal, senón polas que se sentan a ver o que acontece”, nós decidimos non sentarnos a ver pasar a vida, por iso emprendemos con entusiasmo esta tarefa. Trataremos de non defraudarvos, abriremos as portas do noso centro para que vos sintades a gusto e amosarémosvos moitos dos encantos que ten a fermosa vila de Moaña e os seus arredores.

O formato de presentación dos traballos podedes atopalo na páxina web de ENCIGA, www.enciga.org, no apartado do XXVII Congreso. Na mesma páxina poderedes facer a inscrición ao congreso.
Todos sabemos que o Congreso é algo que facemos tódalas persoas participantes, en especial as que o fan de forma activa. Por iso invitámosvos a que enviedes os vosos traballos ao enderezo congreso27@enciga.org (o resumo antes do 18 de Outubro e a ponencia completa antes do 25 de Outubro)

Recibide un saúdo do equipo coordinador.

Carlos Chapela Otero
Paloma Pérez Fernández

Contidos do Congreso

Actividades

No congreso desenvolveranse as seguintes actividades:

• Conferencias
• Comunicacións
• Comunicacións en cartel
• Obradoiros
• Exposicións e mostra de materiais
• Debates
• Visitas e actos sociais

Temas

Os temas que suxerimos para a presentación de traballos, sen carácter excluínte, son:

• Experiencias didácticas
• Actividades de investigación-acción
• Experiencias interdisciplinares
• Tratamento de contidos transversais
• Avaliación
• Estratexias metodolóxicas
• Desenvolvemento curricular
• Materiais curriculares
• Recursos multimedia
• Aquel tema que prefiras, porque xamais sobrará o que nos queiras contar