Congresos Enciga

Presentación do XXIV Congreso de ENCIGA

Lugar de celebración

  • IES Fontem Albei, de Fonsagrada

Comité organizador do XXIV Congreso de ENCIGA:

Coordinadoras: 

  • Beatriz Fernández Fernández 
  • Marta Ramada Zamora
Correo web para o Congreso: congreso24@enciga.org
  • Data límite para a inscrición: 11 de novembro de 2011
  • Data límite para envío de resumos: 17 de outubro de 2011
  • Data límite para envío de ponencias completas: 24 de outubro de 2011

 

Carta de presentación

“As ciencias teñen as raíces amargas pero moi doces os froitos” (Aristóteles)

Como sabedes, o ano 2011 é o Ano Internacional da Química e tamén é o Ano Internacional dos Bosques.

A Fonsagrada está na zona oriental da provincia de Lugo. É o Concello de maior extensión de Galicia con 442 km2 dos que o 78% están ocupados por superficie forestal e pertence dende 2007 á Reserva da Biosfera Eo-Oscos-Terras de Burón.

Que mellor forma hai de compaxinar ás dúas celebracións que asistindo ao próximo Congreso de ENCIGA na Fonsagrada combinando ciencia e natureza?

Que podedes atopar na Fonsagrada? Principalmente paisaxes máxicas, xente acolledora e unha excelente gastronomía tradicional que serán o complemento perfecto á moitísima ciencia da que poderemos disfrutar nas ponencias, exposicións, conferencias, debates, obradoiros, etc.

Non o dubidedes. O 17, 18 e 19 de novembro de 2011 tedes que vir á Fonsagrada ao IES Fontem Albei, o IES de máis alto nivel (… a case 1000 m).

Os que colaboramos na organización do XXIV Congreso queremos render unha homenaxe a todos vós, que durante estes anos, dun ou doutro xeito, sodes responsables da súa andaina. Faremos todo o posible por sorprendervos e agardamos toda a vosa comprensión ante os nosos posibles erros.

Non esquezades que necesitamos a vosa presenza e a vosa colaboración. Animádevos e enviade os vosos traballos ao enderezo electrónico congreso24@enciga.org antes do 7 de outubro. O formato de presentación dos mesmos podedes atopalo na páxina web de ENCIGA, www.enciga.org, no apartado do congreso.

Ata novembro! Unha aperta dende as montañas máis fermosas de Galicia.

 

 

IES Fontem Albei

Rúa Marmoiral, s/n

27100 A FONSAGRADA (Lugo)

Telf. 982340156    Fax. 982340156

ies.fontem.albei@edu.xunta.es

 

 

 

Contidos do Congreso

Actividades

No congreso desenvolveranse as seguintes actividades:

  • Conferencias
  • Comunicacións
  • Comunicacións en cartel
  • Obradoiros
  • Exposicións e mostra de materiais
  • Debates
  • Visitas e actos sociais
Temas

Os temas que suxerimos para a presentación de traballos, sen carácter excluínte, son:

  • Experiencias didácticas
  • Actividades de investigación-acción
  • Experiencias interdisciplinares
  • Tratamento de contidos transversais
  • Avaliación
  • Estratexias metodolóxicas
  • Desenvolvemento curricular
  • Materiais curriculares
  • Recursos multimedia
  • Aquel tema que prefiras, porque xamais sobrará o que nos queiras contar

 

Inscribirse