Recursos

Recursos na rede

Nesta páxina incluímos os recursos educativos suministrados polos socios ou simpatizantes de Enciga. Envíanos os teus para coñecemento de todos.

Recursos xerais na rede

Biogeociencias
Portal que inclúe contidos relacionados coas ciencias da vida e da Terra e os impactos ambientais que se observan na actualidade. A web está organizada en seccións especializadas que recollen informacións actualizadas semanalmente de Bioloxía Celular, Xenética, Ecoloxía, Medicina, Nutrición, Xeoloxía e actividades didácticas e de investigación a niveis de ensinanza media e universidade.
En breve, terá servicio de envío de titulares de noticias de forma gratuita a todos aqueles que se subscriban á páxina nas direccións abaixo citadas.
Neste espazo inclúense tamén webs particulares que tratan varios temas con moita maior profundidade. Trátase das seccións seguintes:

Invitámoste, xunto cos seus alumnos e alumnas, a publicar aquí as túas experiencias e traballos. Para elo o noso e-mail é: biogeociencias@gmail.com Os editores deste portal, que agora comeza a súa andaina, invitámoste a colaborar no noso proxecto e a difundilo entre a comunidade educatvia: http://www.biogeociencias.com

Climántica
Proxecto que ofrece recursos como: "Prensa" (hemeroteca de novas diarias de EA desde que se publicou o proxecto e dispostas en categorías que coinciden coas unidades do proxecto), apartado "Formación" con ClimánticaMeteo que ofrece recursos para a meteoroloxía escoloar e que contén tamén" Climántica multimedia" (que xa contén unha unidade temática e o curso Moodle sobre cambio climático), "Centros" (contidos e ideas de centros que desenvolven o proxecto e queren participar), "Climántica tv" (no que poden verse xa dous documentais, un sobre cambio climático e outro sobre mobilidade e en setembro terá o paquete de documentais de Educación Enerxética) e "Descargas" (onde xa se poden descargar a unidade 1 por capítulos, o primeiro número do comic de EA, as presentacións do primeiro curso de formación&n e outros recursos diversos, sobre meteoroloxía, climatoloxía e cambio climático).

Laboratorio Virtual Ibercaja (LAV)
Proxecto que ten como obxetivo o ensino da Ciencia e a Tecnoloxía mediante as novas ferramentas da información e a comunicación. A súa principal actividade é o acceso gratuito a máis de 200 simulacións informáticas para a aprendizaxe da Ciencia e a Tecnoloxía nos niveis de ESO, Bachiller e Ciclos Formativos.

Recursos Bibliográficos

  • Atlas de Histoloxía Vexetal, Por Pablo Gómez Segade (Doctor en Bioloxía pola Universidade de Santiago de Compostela e Catedrático de Ensinanzaa Secundaria na especialidade de Bioloxía e Xeoloxía)
    Olibro é de interese para profesores e alumnos da etapa da Educación Secundaria das materias Bioloxía e Xeoloxía do cuarto curso da ESO e do primeiro curso de bacharelato de Ciencias. Esta obra tamén pode ser moi útil tanto a estudiantes como a profesores universitarios de Histoloxía Vexetal ou Botánica de diferentes titulacións como Bioloxía, Inxeniería Agrícola, Farmacia, Maxisterio... En xeral, estos contidos poden ser útiles ó profesorado de outros niveis como Primaria e, máis aínda, de ciclos de Formación Profesional relacionados co mundo das plantas  vexetais en xeral.
    O corpo principal do atlas consta de máis de 140 microfotografías en cor, a maioría das cales a 600 ppp, obtidas cun microscopio dixital Olympus do Departamento de Bioloxía Animal da Facultade de Bioloxía da Universidade de Santiago de Compostela, aínda que nalgún caso utilizouse tamén o microscopio dixital Motic DM-B1-223 aportado pola administración educativa da Xunta de Galicia aos centros de bacharelato. Inclúense microfotografías desde as cianobacterias ata as plantas superiores, pasando por fungos, musgos, hepáticas e fentos. Nas plantas trátanse todos os tipos de texidos e seccións das distintas partes como raíz, talo, folla e partes masculina e feminina da flor. O libro inclúe tamén unha sección de avaliación con recortes de varias das imaxes principais e preguntas relacionadas con elas, un anexo de fotos de microorganismos a grande aumento e un amplo índice alfabético sobre a terminoloxía botánica usada.
    Cada fotografía inclúe unha lenda explicativa e sinalización detallada das estructuras contidas en elas.

    O libro ofrécese a un prezo promocional para bibliotecas e centros educativos na web:
    http://www.lulu.com/shop/search.ep?keyWords=Atlas+de+Histolog%C3%ADa+Vegetal&categoryId=200349

  • As Matemáticas e a Astronomía en Galicia, de Iván Fernández Pérez e José Ángel Docobo Durántezdo Observatorio Astronómico Ramón Mª Aller da Universidade de Santiago de Compostela.
    Malia que poida semellar o contrario, o interese científico en certas áreas remóntase en Galicia a tempos antigos. Dende o século XVIII á actualidade, este libro achega o lector á historia da actividade docente e investigadora no eido das matemáticas e a astronomía de Galicia. Un minucioso percorrido por institucións e persoas, que recupera a obra e dimensión de figuras senlleiras no desenvolvemento das ciencias matemáticas, a astronomía e a astrofísica.
    O libro pode adquirirse por 10 euros no Servizo de Publicacións e Intercambio Científico da Universidade de Santiago de Compostela:
    http://www3.usc.es/publicacionsusc/Tenda/Produto.asp?Page=4&Code=BD0033
  • "Conceptos de Química" de Ediciones del Serbal. Abarca un curso de Química Xeral con multitude de cuestións de opción múltiple e solucións comentadas.
    A Editorial pode realizar un 20 % de desconto aos membros de Enciga que queiran adquirir o libro.
  • Contar bien para vivir mejor de RUBES EDITORIAL
    Coa axuda dos consellos deste libro chegaremos a comprender que as matemáticas poden divertirnos, ensinarnos e convertirse na arma imprescindible para emprender a difícil tarea de vivir mellor.