Outras Novas

Póster de Antonio Casares

Este ano 2012 celébrase o segundo centenario do nacemento de Antonio Casares Rodríguez (Monforte 1812-Santiago 1888).
Está considerado un dos químicos máis importantes do século XIX en España, e o pai da Química en Galicia. A Academia de Ciencias de Galicia dedica este ano á súa figura.

Presentación da versión WEB do Diccionario de Autores Científicos Galegos

O martes 27 de marzo, ás 19:00 e no salón de actos do Consello da Cultura Galega (Praza do Obradoiro), preséntase a versión WEB do Diccionario de autores científicos galegos que se publicou en Edicións do Castro hai xa bastantes anos, cos contidos actualizados, enlaces, etc...

ÁLBUM DA CIENCIA: O I+D HISTÓRICO DE GALICIA
27 de marzo de 2012
19:00 horas
Salón de Actos do Consello da Cultura Galega (Pazo de Raxoi - Praza do Obradoiro)

Exposición sobre a ciencia en galego e a muller galega na ciencia

Con motivo da celebración o día 4 de novembro do día da "Ciencia en Galego", organizarase unha pequena EXPOSICIÓN sobre a achega dalgúns dos organismos públicos galegos á ciencia en galego e sobre a muller galega na ciencia. Esta exposición terá lugar no Pazo de Congresos de Pontevedra, aproveitando a celebración do 3 ao 5 de novembro do X Congreso de Estatística e Investigación de Operacións

Semana da Ciencia 2011

Do 7 ao 11 de Novembro do 2011 celebrarase, ao igual que nos anos 2007, 2008, 2009 e 2010, na ETSE de Minas da Universidade de Vigo a SEMANA DA CIENCIA.

As actividades, centradas nunha visita guiada gratuíta de dúas horas, están dirixidas fundamentalmente a estudantes de ensino medio e bacharelato, cuns contidos relacionados de forma directa coas súas instalacións e a súa investigación (asociada en esencia coa enerxía, os novos materiais e o medio ambiente).

Ver máis información ...

Obra de Teatro Científico: Comando Antibiótico contra as bacterias mutantes

A obra de teatro científico "Comando Antibiótico contras las bacterias mutantes" está dirixida principalmente a nenos de entre 8 é 12 anos. A obra dura 50 minutos. Ós nenos participantes do xogo regálanselles unhas camisetas e tamén se reparten trípticos ós asistentes. A representación da obra ten custe cero para o colexio ou auditorio. Faranse 30 representacións da obra por toda Galicia.

Científicos de fronteira,, un programa de entrevistas

Trece investigadores que se moven cada día nas fronteiras do coñecido interveñen en "Científicos de Fronteira", un programa de entrevistas que empezará a emitirse o día 10 de outubro ás 23:30 h na 2. Inaugura a serie o físico español Ignacio Cirac, director do Instituto Max Planck para Óptica Cuántica (Alemaña) e premio Fronteiras do Coñecemento 2008 da Fundación BBVA.

Páxinas